എത്ര ദേവേന്ദ്രന്മാർ? (Indras of Veda)

വേദങ്ങളിൽ എത്ര ദേവേന്ദ്രന്മാർ ഉണ്ട് ? 

ഉത്തരം – 14

എന്നാൽ ആര്യ സംസ്ക്കാരത്തിൽ പലതും പദവികൾ ആയിരുന്നു എന്നു വേണം കരുതാൻ. 

ഉദാഹരണത്തിനു തീയ് ( അഗ്നി - അരണികടഞ്ഞ് തീയുണ്ടാക്കിയിരുന്നത് ദൈവിക, യാഗ, യജ്ഞ് ആവശ്യങ്ങൾക്ക് മാത്രമായിരുന്നു), ഗാർഹിക, വ്യാവസായിക ഉപയോഗങ്ങൾക്കുള്ള തീയ് സൃഷ്ടിയ്ക്കുവാനുള്ള വിദ്യയോ, അവകാശമോ നൽകപ്പെട്ട കുലത്തിൻറ്റെ അതാത് സമയത്ത് ജീവിച്ചിരുന്ന തലവനെ അഗ്നിദേവൻ എന്നും; ജലസംഭരണം, സംരക്ഷണം, വിതരണം എന്നിവ കൈകാര്യം ചെയ്തിരുന്ന കുലത്തിലെ അതാത് സമയത്ത് ജീവിച്ചിരുന്ന തലവനെ വരുണദേവൻ എന്നിങ്ങനെ വിളിച്ചിരുന്നതായാണു പൊതുവേ അനുമാനിയ്ക്കുന്നത്.

ഇപ്രകാരം ഇന്ദ്രൻ എന്നത് ആര്യന്മാരുടെ അതത് കാലത്തെ രാജാവിനെ വിളിച്ച് വന്ന സ്ഥാനപ്പേർ മാത്രമാണ്. മധ്യതരണ്യാഴിയുടെ തീരത്ത് ജീവിച്ചിരുന്ന കാലഘട്ടത്തിൽ, ആര്യന്മാർ നിരന്തരം അസുരന്മാർ ആക്രമിയ്ക്കപ്പെട്ടിരുന്നു. ഇക്കാലത്ത് പല ഇന്ദ്രന്മാരും ഭരിച്ചിട്ടും, ആര്യന്മാരാൽ കൊല്ലപ്പെട്ടിട്ടും ഉണ്ടാവണം. "The king is dead long live the king" ഈ വക പ്രയോഗങ്ങൾ ഇവിടെ വളരെ ശ്രദ്ധേയമാണ്; ഇത് നിലവിലെ രാജാവ് മരിച്ചിരിയ്ക്കുന്നു, എന്നാൽ രാജാവ് (പുതിയ ഒരാൾ) എന്നും ഉണ്ടാവും എന്നും വ്യാഖ്യാനിയ്ക്കാം (മരിച്ച രാജാവ് മനസ്സുകളിൽ അമരനാണെന്നാണു മറ്റൊരു വ്യാഖ്യാനം).

എന്തായാലും മധ്യതരണ്യാഴിയുടെ കരയിൽ പാർത്തിരുന്ന കാലത്ത് ഇന്ദ്രനു "പുരന്ധരൻ" എന്ന പേരുണ്ടായിരുന്നില്ല. അവിടെ നിന്നും പുറപ്പെട്ട് രണ്ടായി പിരിഞ്ഞ് റൊമേനിയ, ജർമ്മനി എന്നിവിടങ്ങളിലും,ഒരു വനിതയുടെ നേതൃത്വത്തിൽ റഷ്യയിലും കുടിയേറിയ ഇവരെ തുടക്കത്തിലെങ്കിലും ഒരിന്ദ്രൻ നയിച്ചിട്ടുണ്ടാവണം. സിന്ധിലേയ്ക്ക് പോന്നവരെ നയിച്ചിരുന്ന ഇന്ദ്രനാണു വരുന്ന വഴിയിലെ ജനതഥികളുടെ ആവാസകേന്ദ്രങ്ങളായിരുന്ന കോട്ടകൾ (പുരങ്ങൾ) സ്വബുദ്ധിയിലെ വിവിധ തന്ത്രങ്ങൾ ഉപയോഗിച്ച് തകർക്കുകയും "കോട്ടകൾ തകർക്കുന്നവൻ" എന്ന പേരിൽ പുരന്ധരൻ എന്ന കീർത്തി നേടിയത്. അതായത് ആ സമയത്ത് രണ്ട് ഇന്ദ്രന്മാർ രണ്ട് വഴിയ്ക്ക് സഞ്ചരിയ്ക്കുകയായിരുന്നു.

ഗോത്രവർഗ്ഗക്കാർക്കെതിരെയുള്ള യുദ്ധത്തിൽ തകർക്കപ്പെട്ട ആര്യന്മാർ, അവരുടെ തലവനായ ശിവനേയും, പിന്നീട് മദ്ധ്യ ഇന്ത്യയിലെ നദീതടത്ത് വൈഷ്ണവരാലും തോൽപ്പിയ്ക്കപ്പെട്ടതോടെ ഇന്ദ്രനു ഭൗതികമായ അന്ത്യമായി. പിന്നീട് അദ്ദേഹം സാങ്കൽപ്പികമായ ദേവലോകത്തെ ദേവരാജാവായി മാത്രം അറിയപ്പെട്ടു. വാസ്തവത്തിൽ മദ്ധ്യതരണ്യാഴിയുടെ തീരത്ത് വച്ച് തങ്ങൾ നന്മ നിറഞ്ഞ ദൈവങ്ങളും, തങ്ങളെ ആക്രമിയ്ക്കുന്നവർ തിന്മയുടെ പ്രതീകങ്ങൾ ആയ അസുരന്മാരും ആണെന്നും മറ്റാരും ഈ ഭൂമുഖത്തില്ലെന്നും അവർ വിശ്വസിച്ചിരുന്നു. എന്നാൽ പ്രയാണത്തിൻറ്റെ നാളുകളീൽ അവർക്ക് അത് തെറ്റാണെന്ന് മനസ്സിലായി, അസുരരല്ലാത്ത സാധു ജനങ്ങളെ അവർ കീഴടക്കിയ പുരങ്ങളിൽ അവർ കണ്ടെത്തി, അതോടെ ദേവന്മാർ, അസുരന്മാർ കൂടാതെ മനുഷ്യർ എന്നൊരു വിഭാഗം കൂടി കടന്നു വന്നു. 

പിന്നീട് തങ്ങളാൽ അധിക്ഷേപിയ്ക്കപ്പെട്ട ലിംഗപൂജയും, യോനീപൂജയും ഒക്കെ അംഗീകരിച്ച് വെറും മനുഷ്യരായ നാഗർക്കും, സാംബവർക്കും, ചേർമർക്കും വശംവദരായി, അവരുടെ സഹായത്തോടെ കഴിഞ്ഞ് കൂടിയപ്പോൾ, അവരുടെ പ്രകൃതിയിൽ നിന്നുള്ള സന്ദേശങ്ങൾ ഉൾക്കൊണ്ട് അറിവിൻറ്റെ പരമകോടിയിൽ നിൽക്കുന്ന ആ ജനവിഭാഗത്തിനു മുമ്പിൽ തങ്ങൾ അവരിലും സാധാരണക്കാരായ 33 കോടി ജനങ്ങൾ മാത്രമായിരുന്നു അല്ലാതെ 33 കോടി ദേവന്മാരൊന്നും അല്ല എന്ന് തിരിച്ചറിഞ്ഞു. ഇതാണിന്ദ്രൻറ്റെ അന്ത്യത്തിനു വഴി വച്ചത്.

പിന്നീട് പ്രകൃതത്തിനെ തകർക്കുകയാണു വേണ്ടതെന്നവർ പഠിച്ചു. മൃഗങ്ങളോടും, പക്ഷികളോടും, മീനുകളോടും ആശയവിനിമയ്മ് നടത്തുന്ന, തങ്ങൾക്ക് വഴങ്ങാത്ത ആ ഭാഷയിലും വലിയ ഭീഷണി അവർക്കുണ്ടായിരുന്നില്ല. അതിനാൽ അധികാരവർഗ്ഗങ്ങളോട് അടുത്തു കൂടി സംസ്കൃതം പ്രചരിപ്പിച്ച്, പ്രാകൃതം തകർത്ത് അവർ വളരെ സാവധാനം ആധിപത്യം നേടി. വരരുചിയുടെ ഒരു വെറും വാക്ക് കേട്ട്, ഒരു പെൺകുട്ടിയെ ജനിച്ച ഉടൻ കൊല്ലാൻ ഉത്തരവിട്ട രാജാക്കന്മാർ ഇതിനുദാഹരണമാണ്. പിന്നീട് സംസ്കൃതത്തിലെ കള്ളക്കഥകളിൽ മറ്റൊരു ലോകത്ത് നിന്ന് ശക്തികളാൽ ഭൂമിയിലെ കാര്യങ്ങൾ നിയന്ത്രിയ്ക്കുന്ന ഇന്ദ്രനെ സൃഷ്ടിച്ച് ഭയം നിറച്ചു. ഒരു മഴയെ, അതിൻറ്റെ ബാക്കിപത്രമായ പ്രളയത്തെ, ഇന്ദ്രൻറ്റെ പ്രതികാരമായി കരുതിയ വാസുദേവനായ കൃഷ്ണൻ എന്ന യാദവൻ തൻറ്റെ ജനതയെ ഇലകളാലോ മറ്റോ സൃഷ്ടിച്ച കുടകളോടെ, ഗോവർദ്ധനം എന്ന കുന്നിൻറ്റെ പ്രളയജലം ജലം എത്താൻ സാദ്ധ്യത ഇല്ലാത്ത ഉയരത്തിൽ കൊണ്ട് പാർപ്പിച്ചതും അങ്ങനെ ഇന്ദ്രൻ ഒരു പാഠം പഠിച്ചു എന്ന് സങ്കൽപ്പിച്ചതും ഇതിനാലാവണം.

എന്തായാലും വേദത്തിലെ ഇന്ദ്രനെ എണ്ണത്തിൽ അറിയാൻ, മന്വന്തരങ്ങളുടെ കഥയിൽ യുഗങ്ങളുടെ കണക്കുകൾ പരിഗണിച്ചാൽ

1 human year (in Hindu calendar) = 1 Deva Ahoratra for God (1 day and 1 night)

360 Deva Ahoratras = 1 Deva Vatsara

12,000 Deva Vatsara = 1 Chaturyuga ( നാലു യുഗങ്ങൾക്കും കൂടി ഒരിന്ദ്രൻ)

(12,000 Deva Vatsaras are defined as, 4,800 Deva Vatsaras of Krita yuga, 3,600 Deva Vatsaras of Treta Yuga, 2,400 Deva Vatsaras of Dvapara Yuga and 1,200 Deva Vatsaras of Kali Yuga which is 1,200 * 360 = 4,32,000 human years)

71 Chaturyugas = 1 Manvantaram (1 life span of Manu)- ഒരു ഇന്ദ്രൻ

14 Manvantaras = 1 kalpa (1 day of Brahma) - 14 ഇന്ദ്രന്മാർ ഇതുവരെ ( ആദിമനുവായ സ്വയംഭൂമനുവിൽ തുടങ്ങി 14 ആം മനുവായ ഇന്ദ്രസവർണ്ണീ മനുവാണിപ്പോൾ).

"കലാമമാരേ.. സത്യത്തിനും സ്വബോധത്തിനും പിന്നാലെയും പോകാം, മിത്തുകൾക്കും വക്രബുദ്ധികൾക്കും പിന്നലെയും പോകാം, എവിടെയാണോ യുക്തിവാദം ആസ്തികതയിൽ ലയിയ്ക്കുന്നത് അവിടെ സത്യമുണ്ട്"; ഇവിടെ ഗൗതമൻ എന്ന ബുദ്ധൻറ്റെ ഈ ഉപദേശത്തോടെ അവസാനിപ്പിയ്ക്കാം.