എന്താണു മതം? (Definition of religion)

മനുഷ്യരാശികൾ ആയ കരിയിലകൾ, അതിൻറ്റെ നിലനിൽപ്പിനും, പുരോഗതിയ്ക്കുമായുള്ള പ്രയാണത്തിനിടയിൽ, വിവിധ രൂപത്തിലുള്ള പ്രതിസന്ധികളായ കൊടുങ്കാറ്റുകളെ നേരിടേണ്ടി വരുമ്പോൾ, അവ വിവിധ ദിശകളിലേയ്ക്ക് ചിതറി പോകാതിരിയ്ക്കാൻ എടുത്തു വച്ച ഒരു ഭാരമുള്ള കല്ലാണു മതം.

ആദിമതം, പ്രപഞ്ചത്തിൻറ്റെ മതമായ സനാതനധർമ്മം തന്നെയാണ്.അത് ആരും സൃഷ്ടിച്ചതല്ല. പിറന്നു വീണ പശുക്കുട്ടിയ്ക്ക് അതിന് കുടിയ്ക്കുവനുള്ള പാല് അമ്മപ്പശുവിൻ റ്റെ പിൻ കാലുകളുടെ ഇടയിലായി കരുതി വച്ചിട്ടുണ്ടെന്ന ബോധം ആരാണോ നൽകിയത്?. 

നാട്ടുമ്പുറങ്ങളിലെ തോട്ടുവക്കത്തെ ചരിവുകളിൽ കുഴിയുണ്ടാക്കി മുട്ടയിടുന്ന പൊന്മാൻ എന്ന പക്ഷി,മഴക്കാലമെത്താറാകുമ്പോൾ അതിൻറ്റെ മുട്ടകൾ, താഴ്ന്ന നിരപ്പിൽ നിന്നും ഉയർന്ന നിരപ്പിലെ പുതിയ കുഴികളിലേയ്ക്ക് മാറ്റി വയ്ക്കുന്നത് കാണുവാൻ സാധിയ്ക്കും; മഴക്കാലത്തെ വെള്ളപ്പൊക്കം വരുമ്പോൾ, ആ പക്ഷി കൊണ്ട് വച്ച നിരപ്പിനു താഴെ മാത്രം ആയി ജലനിരപ്പ് നിൽക്കുന്നതും കാണാം. എഞ്ചിനീയറിംഗ് കോളേജിൽ പോയിട്ടില്ലാത്ത, ഹൈഡ്രോളജിയും, ഇറിഗേഷനും, റെയിൻഫാളും, പെർകൊലേഷനും, ഇൻറ്റെർസെപ്ഷനും, സർഫസ്സ്റണ്ണോഫും പഠിച്ചിട്ടില്ലാത്ത, ആ പൊന്മാനിൽ പോലും, ഈ അറിവുകൾ നിറച്ച ആ ഈശ്വരനാൽ ബോധതലങ്ങളിൽ നിറച്ചു വയ്ക്കപ്പെട്ട പ്രാപഞ്ചിക ജീവിത രീതി അതാണു സനാതനധർമ്മം.

അതിൽ നിന്നും പലരും പലതും സൃഷ്ടിച്ചു, അവരവരുടെ മനോധർമ്മം പോലെ അലങ്കരിച്ചു. മതമായാൽ ഒരു ഗ്രന്ഥവും, വിഗ്രഹം ഉള്ളതോ ഇല്ലാത്തതുമായ ദൈവവും, കുറേ നിബന്ധനകളും ഒക്കെ വേണമെന്ന് ആരാണു പറഞ്ഞത്? പറഞ്ഞവർ ഒക്കെ തൽപ്പരകക്ഷികളും, ചൂഷകരും ആണെന്ന് സാമാന്യബോധമുള്ളവർക്ക് മനസ്സിലാകാവുന്നതേയുള്ളൂ.

കലിംഗയുദ്ധത്തിനു ശേഷമാണു ബുദ്ധമതത്തിനു ഒരു മേൽക്കോയ്മ ലഭിയ്ക്കുന്നത്, ഇതിനു പ്രധാനകാരണം ചക്രവർത്തി അശോകൻ റ്റെ നിലപടുകളാണ്, മകൾ സംഗമിത്രയാണു ദക്ഷിണ ഇന്ത്യയിലും, ശ്രീലങ്കയിലും ഒക്കെ ബുദ്ധമതപ്രചരണത്തിനു ചുക്കാൻ പിടിച്ചത്. എന്നാൽ ചന്ദ്രഗുപ്തമൗര്യൻറ്റെയും, നമ്മൾ വിക്രമാദിത്യൻ എന്നു വിളിയ്ക്കുന്ന ചന്ദ്രഗുപ്തൻ രണ്ടാമൻറ്റേയും കാലത്ത് നമ്മൾ സനാതന ധർമ്മ വിശ്വാസികളായിരുന്നു, മറ്റുള്ളവർ അത് ആര്യമതവുമായി സങ്കലനം ചെയ്ത് അലങ്കരിച്ച രൂപമായ ഹിന്ദുമതത്തിൻറ്റേയും.

സനാതന ധർമ്മത്തിൽ നിന്നും ഉണ്ടായവ തന്നെയാണു ബുദ്ധമതവും, ജൈനമതവും, സിക്കു മതവും, മുഹമ്മദ് സ്ഥാപിയ്ക്കാൻ ശ്രമിച്ച ഇസ്ലാം മതം ഹിന്ദു മതത്തേക്കാൾ സനതനധർമ്മത്തോട് അടുത്ത് നിന്നിരുന്നു എന്ന സത്യം പറഞ്ഞാൽ വഴക്കിനു വരരുത് ( സർവ്വശക്തനായ ഈശ്വരൻ ഭൂമി പോലുള്ള ഒരു മൂന്നംകിട ഗ്രഹത്തിൽ വന്ന് റോഡ്ഡ് ഷോ കാണിച്ച് ആളാകാൻ നോക്കില്ല എന്നും പ്രപഞ്ചത്തിൻ റ്റേയും, ദൈവത്തിൻ റ്റേയും വലിപ്പം സങ്കൽപ്പിയ്ക്കാവുന്നതിനും അപ്പുറമാണെന്നും മുഹമ്മദ് പറയുമ്പോൾ സനാതനധർമ്മ ധ്ർമ്മത്തോട് അദ്ദേഹം എത്ര അടുത്തു നിൽക്കുന്നു എന്നറിയുക,അദ്ദേഹത്തിനു ശേഷം വന്നവർ അതിനെ ഭീകരതയുടെ മുഖം നൽകിയതിനും, സത്യമായതിനെ മൂടി വയ്ക്കാൻ ശ്രമിയ്ക്കുന്നതിലും അദ്ദേഹത്തിനു പങ്കുണ്ടോ?.

കൃസ്തുമതവും സനാതനധർമ്മത്തിൽ നിന്നാണു- ണ്ടായതെങ്കിലും, ഇതു ഹിന്ദു മതത്തിൻറ്റെ ദിശയിലാണു നിന്നത് ("ആദിയിൽ വചനവുണ്ടായിരുന്നു, വചനം ദൈവത്തിനോ-ടൊപ്പമായിരുന്നു :- കൃസ്തുമതം" - പ്രപഞ്ചോത്പത്തിയിൽ പ്രളയത്തിൽ ആലിലയിൽ ഒഴുകിവന്ന വിഷ്ണു, പ്രണവമന്ത്രമായ "ഓം" ഈശ്വരനിൽ നിന്നും കേട്ടു, ബോധം ബോധതലത്തിൽ ലയിച്ച് ഈശ്വരരൂപം പ്രാപിയ്ക്കുന്നു :- ഹിന്ദുമതം".

എല്ലാം തനിയ്ക്കറിയാമെന്നും തനിയ്ക്കറി-യാത്തതെല്ലാം ഇല്ലാത്തതാണെന്നും ഉള്ള വാദം നാസ്തികമാണ്. പ്രപഞ്ചം മുഴുവൻ നിറഞ്ഞു നിൽക്കുന്ന ദൈവത്തെ, ബുദ്ധൻ മഹാതത്വം എന്നും, ഹിന്ദുവിൽ ശാക്തേയർ മഹാശക്തി എന്നും, വൈഷ്ണവർ മഹാവിഷ്ണുവെന്നും, ശൈവർ അപരബ്രഹ്മമെന്നും, ഐസക്ക് ന്യൂട്ടൺ ഈതർ എന്നും, ഇന്നത്തെ ക്വാണ്ടം തിയറി യൂണിവേർസ്സൽ മീഡിയം എന്നും പറഞ്ഞാലും ചിലർ അംഗീകരിയ്ക്കാൻ തയ്യാറല്ല. 

പ്രപഞ്ചസംഗീതമായ "ഓം", ഈ മഹാ വിദ്വാന്മാർ അംഗീകരിയ്ക്കുന്നില്ല, കാരണം പ്രപഞ്ചത്തിൻറ്റെ 99.99% വാക്വമാണത്രേ! പ്രപഞ്ചത്തിൽ എവിടേയും നിറഞ്ഞു നിൽക്കുന്ന താമസ്സശക്തിയെ പറ്റി ഇവർക്ക് ഒന്നുമറിയില്ല; ഇരുട്ട് എവിടേയും നിന്നും സൃഷ്ടിയ്ക്കപ്പെടുന്നില്ല, അതവിടെ എവിടേയും നിലനിൽക്കുന്നു, മേൽപ്പറഞ്ഞവാക്വത്തിലും. പ്രകാശമാണു സൃഷ്ടിയ്ക്കപ്പെടുന്നത്, ഒരു വിളക്കു തെളിയിയ്ക്കുമ്പോൾ, പ്രഭാസ്രോതസ്സുകൾ പ്രത്യ്ക്ഷപ്പെടുമ്പോഴും, അനാവരണം ചെയ്യപ്പെടുമ്പോഴും. 

ഒരു വാക്വം റ്റ്യൂബിലും പ്രകാശം നിഷേധിച്ചാൽ ഇരുട്ടിൻറ്റെ സാന്നിധ്യം കാണാനൊക്കും.സൂര്യനും ഭൂമിയ്ക്കുമിടയിലും ഈ പറഞ്ഞ വാക്വമുണ്ട്, എന്നാലും വെയിലിൽ ഇറങ്ങി നിന്നാൽ പ്രകാശം മാത്രമല്ല, താപം എന്ന ശക്തിയും നമ്മൾക്ക് അനുഭവപ്പെടുന്നു. പ്രകാശവും,താപവും, ശബ്ദവും ശക്തീയഗുണങ്ങളാണെന്നു പറയുന്നവർ തന്നെ, താപപ്രസരണത്തിനു ഒരു മാധ്യമം കൂടിയേ കഴിയൂ എന്നു പറയുന്നവർ തന്നെ, സൂര്യനും ഭൂമിയ്ക്കുമിടയിൽ കുറച്ചുയരത്തിലെത്തിയാൽ പിന്നെ വാക്വം എന്ന ശൂന്യത മാത്രമാണുള്ളതെന്നു പറയുന്നവർ, സൂര്യനിൽ നിന്നും ആ ശൂന്യതയിലൂടെ പ്രകാശശക്തിയും, താപശക്തിയും പ്രസരണം ചെയ്യപ്പെടും എന്നും, ശബ്ദം മാത്രം സഞ്ചരിയ്ക്കില്ല എന്നും പറയുമ്പോൾ, ആ ശബ്ദം പാവം "ഓം" ആയിപ്പോയി എന്നത് കൊണ്ട് മാത്രമുള്ള മുടന്തൻ ന്യായങ്ങൾ ആണെന്ന് നാം തിരിച്ചറിയണം.